الخدمة ديال ....
صاحبتي زاغ عليها راسها و جات تزورني، مالقاتنيش، غادية التليبوتيك اللي قريب لدارنا باش تعيط ليا، وقفو عليها جوج بموس داو ليها الحصيصة و البورطابل، ياك قلت ليكم في الأول هي زاغ عليها راسها، كلشي منها اشنو داها تخرج و زايدون خارجة في النهار، تجي بعدا غي بالليل كي كون العساس، لا لا هاذ البنت ماشي تلهيه
الى كنا فين ما نبغيو نخرجوا يتلقا لينا شي واحد بموس ولا شي جوج يديوا لينا الساك، هي ما نبقاوش نخرجوا من ديورنا بمرة، ووريونا شكون غادي يخدم في هاذ البلاد، و زايدون ما بقا عندنا غرض بالبوليس بما أنه ما دايرش خدمته و كي قلب غي على شي واحد يكون هو و هي باش يطير منهم الصريف
البوليس ديال هاذ المدينة باراكا ماتقلبوا على طمع الدنيا و ديروا شوية خدمتكم، و ماتنساوش بفلوس الضرائب ديالنا باش كتخلصوا، ما كنطلبوش منكم شي حاجة كثيرة غير انكم ديروا خدمتكم اللي كتخلصوا عليها
ولا نخويوا ليكم حتى احنا البلاد؟؟؟؟؟؟