Anima

jeudi 27 mars 2008

Concours

 

المديرية الإقليمية للسياحة الجنسية بالجديدة

 
تنظم المديرية الإقليمية للسياحة الجنسية بمدينة الجديدة مباراة لتكوين أطر في الترفيه و ممارسة الجنس و الشذوذ الجنسي مع الأجانب

شروط ولوج المباراة

أن يكون ذكرا أو أنثى

 أن يكون ذو جنسية مغربية

 أن لا يتعدى سنه (ها) 18 سنة

 أن يكون متمكنا من اللغة الفرنسية و بعض اللغات الأجنبية

 أن يقبل من لدن لجنة الإنتقاء

 
ملف الترشيح

 طلب خطي

 نسخة مصادق عليها من بطاقة التعريف الوطنية أو البطاقة المدرسية

 صورتان شمسيتان للمرشح

سيرة ذاتية

ترسل الملفات عن طريق البريد إلى المندوبية الإقليمية للسياحة الجنسية بمدينة الجديدة و ذلك قبل  1 ماي 2008

 المرشحون المقبولون بعد الإنتقاء سيتوصلون باستدعاءات فردية تحدد تاريخ المباراة و كذلك الوثائق المكملة لملف الترشيح

 

---

واش هاذي مدينة ولا .... زبل

vendredi 7 mars 2008

اليوم العالمي للمرأة ---- واااااااااااااااااااااااااااااااااااااع

الصور أبلغ من الكلام

mercredi 13 février 2008

سماهم على وجوههم

راه من وجوههم يبانوا واش يصلاحوا يكونوا وزراء ولا برلمانيين و لا لا

mercredi 6 février 2008

الله يخليها قاعدة

الله يخليها قاعدة ملي واحد قدو قد البغل و كي رمي الزبل في الزنقة

الله يخليها قاعدة ملي تخرج جارتنا ترمي الزبل في الأرض اللي خاوية حدانا في العوض تسنى مول الزبل حتى يجي و تعطيه الطارو

 
الله يخليها قاعدة ملي يجي واحد ما فاهم والو في خدمتك و يبدا يفهم عليك

الله يخليها قاعدة ملي الواحد يولي داير فيها طبيب و كي وصف الدواء للناس

 
الله يخليها قاعدة ملي تدير موعد مع شي واحد و يجيك نص ساعة ولا ساعة مور الوقت

 
الله يخليها قاعدة ملي يزيغ عليك راسك و تبغي تفرج في دوزيم ولا الأولى و تلقى فيهم برامج ديال الكيلو ولا الأفلام المكسيكية

 
الله يخليها قاعدة ملي تدوز من حدا شي قهوة و تلقى الرجال جالسين كي دوروا في ريوسهم يبرقوا في اللي غادية و اللي ماجية بحالا كي تفرجوا في ماتش التنس

الله يخليها قاعدة ملي تناقش مع شي واحد في أمور المغرب و يقولك راه اليهود و النصارى هما السباب في هاد الشي و هاد الشفرة اللي عندنا

 
الله يخليها قاعدة .... الخ

jeudi 4 octobre 2007

الضحك راه فينا

كل عام كنقول إنشاء الله هاد العام غادي يكون احسن من العام اللي داز

 

و لكن كل عام كتجيب لينا دوزيم برامج كفس من العم الآخر

 

كنقول مع راسي و راسي كيقول معايا ( اول مرة كنتافق انا و اياه سبحان الله) شكون قالهم راه سلسلة العوني ضحكات الناس العام الفائت باش يجيبوا لينا الجزء الثاني هاذ العام؟ ( عينهم فيا باغين يركبوني السكر واقيلا)

 

شوفوا الى كنتم مساخط الوالدين و ما كتسمعوش هضرة باباكم و ماماكم، تفرجوا في عمي العوني و استافدوا من النصائح اللي كي عطيها لينا، القناة الصغيرة

 

أمينة رشيد: قالوا لي ايام زمان كان عندك الهمة و الشان في الراديو و الناس كانوا كي تسناوك بفارغ الصبر، و درتي ادوار زوينة في التلفزة، و لكن ديما كنسول راسي كيفاش قبلتي بهاذاك الدور (فاتي) في هاذيك التخربيقة (العوني)؟ واش من قلة الفلوس؟ و لا عندك الكريدي ديال الدار؟ ولا شي طوموبيل جديدة؟ ولا أشنو؟ ( هالعار الى ما قوليلي السبب راه غادي يطرطق فيا العرق )

 

سهام أسيف : ما عرفتش علاش كي جيني الإحساس أنك شاركت معاهم غي على ود هادوك القفاطن و الجلالب، عمرك شفتي شي مغربية عندنا كتلبس الجلابة في الدار؟

 

سعيد الناصري : خاصك تمشي ترتاح واحد العشرة و لا عشرين عام، على بال ما يرجع ليك المزاج ( واخا عمره ما كان عندك ) ، انت قابط السلسلة غي بوحدك كاتبها و مثل فيها ولا باش كتعجبوني في الجنريك كاتبين هاذيك "خلية الكتابة" ، شفتي كون جبتي غي شي واحد من الزنقة كون كتب احسن من هاذاك الشي اللي درتوا ولا المعارفة زوينة ياك؟

 

دوزيم راه الضحك فينا، كون غي عطيتوا لهادوك الناس مساكن اللي ما خدامينش ورقة و ستيلوا كون كتبوا احسن من هاداك الشي اللي كتديروا

 

الى كنا كنخلصوا الضريبة ديال التلفزة غي على ود هاذ اللعب ديال الدراري الصغار، غي خليوني بلا تلفزة، ما عندي ما ندير بيها

mardi 25 septembre 2007

عبروا في صمت

كنقول لسيادتكم مبروك

 

و لكن سمح ليا آ سيدي نقول ليك، أنا راه ما كنعرفكش شكون انت، ولا فين كبرتي ولا فين قريتي، و بصراحة ما كيهمنيش نقلب موراك

 

و لكن سيادتكم :

 

راه ماشي انت اللي كتفطر بالخبز و اتاي و كتغذى بالخبز و اتاي و بعض المرات في العشا الخبز حرفي ولا اتاي بوحده ولا كتنعس بالجوع

 

راه ماشي انت اللي عندك الدراري و كتشري لهم لابسة، واحد فيهم كي لبس السروال و الآخر كي لبس التريكو و الآخرين كي تسناو نوبتهم باش يستروا ما ستر الله

 

راه ماشي انت اللي عندك الدري كي قيل يشم في النونوسة باش ينسى الهم – النونوسة سيادتكم هي ميكة كحلة و فيها السليسيون

 

راه ماشي انت اللي عندك ولدك مريض بالسرطان و كتبقى تفرج فيه كيموت لاحقاش ما عندكش باش تديه للمستشفى، و ماشي انت اللي عندك ولدك مريض بالصدر لاحقاش في ايام البرد ما كيلقاش ما ياكل ولا ما يلبس ولا حتى كاس ديال الماء سخون يدفي له صدره

 

راه ماشي انت اللي ساكن في براكة و كتمشي عند با محمد مول الحانوت تاخذ جوج روزات و جوج زيتونات، روزة ليك و روزة المدام و زيتونة ليك و زيتونة للمدام و ما تنساش ايام الشتاء تدير بانيو فين يقطر الماء من فوق القصدير

 

راه ماشي انت اللي كتكون عندك برماننس ( نوبة الخدمة بالليل) و كتخاف تخرج من دارك لا يتلقى ليك شي مسخوط كي قلب على خمسة دراهم باش يشري ما ياكل ولا باش يشري طرف الحشيش، و يقدر يقتلك على ود هاديك الخمسة الدراهم و قلب هاديك الساعة على اللي يعيل ولادك

 

راه ماشي انت اللي قريتي حتى شاب راسك و درتي نظارات قاع الكاس و ناض الخرشف في الطاولة و في الآخير مازال كتقلب على خدمة و كتسنى الوالد ديالك يعطيك 10دراهم من العيد العيد باش تمشي الحمام تكمد عظيماتك

 

راه ماشي انت اللي ....0

 

شفتي سيادتكم راه هادو هما الناس اللي كنعرف انا

 

سمح ليا سيادتكم الى تقبحت عليك في الهضرة

 

و لكن عندي سؤال محيرني ، كيفاش سيادتكم غادين تحلوا هاذ المشاكل كاملة و انتما ما قدرتوش تحلوا مشكلة النجاة؟