samedi 15 octobre 2005
أنا في انتظارك - أم كلثوم
أنا في انتظارك خليت
ناري في ضلوعي وحطيت
ايدي على خدي وعديت
بالثانية غيابك ولا جيت
يا ريتني عمري ما حبيت
***
عايز أعرف لا تكون غضبان
او شاغل قلبك انسان
خليتني من يأسي اقول
الغيبة دي غيبة على طول
واتفكر إيه اللي جنيت
من ذنب يسيئك ما لقيت
يا ريتني عمري ما حبيت
****
اتقلب على جمر النار
واتشرد ويا الافكار
النسمة أحسبها خطاك
والهمسة احسبها لغاك
على كدة أصبحت وأمسيت
وشافوني وقالوا اتجنيت
يا ريتني عمري ما حبيت
****
توعدني بسنين وايام
وتجيني بحجج وكلام
وتسلم وتمر قوام
اوتخلف وتقول لي نسيت
يا ريتني عمري ما حبيت