mercredi 26 avril 2006
عمارة يالطيف
مسلسل جديد, هذه المرة مجموعة من العائلات في عمارة يا لطيف
الحوارات كلها في الكولوار
الشخصيات
حارس العمارة: التباري
البيت الأول : فاطمة (الدكالية) متزوجة من سعيد (بيضاوي)
البيت الثاني : سلمى (شمالية) متزوجة من مصطفى (بيضاوي)
البيت الثالت : سمير زوفري
البيت الرابع : يونس زوفري
الكولوار :
التباري : صبحنا على الله, ما عرفت كيف غادي يدوز النهار مع هاديك فاطمة؟
فاطمة : التباري التباري
التباري : اذكر هذاك اجبد هاذيك, ياخ على صباح, نعام لالة فاطمة
فاطمة : فاين كنت؟ مقابل التبركيك عاود, دوز جيب ليا البوطة
التباري : (في خاطرو الله يحن عليا منك) واخا آلالة. السي سعيد مازال ناعس؟
فاطمة : و أنت سوقك؟
التباري : لا غي سولت
في هذا الوقت سمير ناازل على الدرج فيلمح فاطمة و هي تتحدث مع التباري
سمير : (وهو ينظر لفاطمة نظرة عشق)
صباح الزين صباحو
صباح اللوز و تملاحو
صباح الياسمين و ترياحو
صباح الزبدة و الكونفتير
صباح الخير و التيسير
صباح العسل و الدديسير
صباح الملاوي و الكومير
فاطمة : صباح الزفت آ وجه البغريرة
سمير : كاع اللي يجي منك عسل آ جرتيلة
فاطمة : ياك آ الجرانة
سمير : واه آ الجعانة
فاطمة : ايوا سير الله يعطيك شي رموك يضربك في الدورة ديال الدرب, قول آمين
سمير : و ما نبقاش فيك آ الغزال
التباري : هم هم
فاطمة للتباري: لقيتي ما تبركك هاذ الصباح
التباري : شوية و خلاص
في هذا الوقت تخرج سلمى لتودع زوجها مصطفى
سلمى : حبيبة تهلا لي في راسك
مصطفى : حتى انت آ عمري
سلمى : لا تنساشي اللي وصيتك عليه آ حبيبة ديالي
مصطفى : واخا آ لالة
سمير و هو ينظر لفاطمة : ايوا تعلمي من سلمى جوج كليمات زوينين قوليهم لي كل صباح
فاطمة بغضب و هي تنادي زوجها : سعيد سعيد
jeudi 29 décembre 2005
الحلقة الأخيرة
أم العيال : صباحية مباركة يا عريس
أبو العيال : صباح الخير, كاين شي فطور؟
أم العيال : موجود الخير
أبو العيال : فين مشاو العيال؟
أم العيال : آش من عيال راه ياله بدينا
أبو العيال : كيفاش ياله بدينا؟
أم العيال : راه ياله الليلة الأولى ديال زواجنا البارح
أبو العيال : واش بغا تحامقيني. فين عفراء و كاظم والآخرون
أم العيال : شكون هاد عفراء اللي الليل كامل و أنت تحلم بيها؟
أبو العيال : عفراء بنتنا و كاظم ولدنا
أم العيال : لا سماحة ليك يالدكالي الكبير أنت اللي زوجتيني راجل احمق, واراه ياله تزوجنا البارح منين غادي يجيونا الأولاد و احنا عاد قلنا باسم الله
أبو العيال : و كاظم الساهر و جاد المالح؟
أم العيال : شكون هادوا؟ خضارة؟
أبو العيال : لاواه صحاب الحال. واش بصح ياله تزوجنا البارح؟
أم العيال : واقيلة فيك السخانة.نوض نجيب ليك شوية ديال المخاينزة
أبو العيال : آجي و الأنترنت و الشات
أم العيال : آشنو هاد الشي؟ شي تبخيرة؟
أبو العيال : هي ما كاين والو؟
أم العيال : واقيلا نعيط ليك على الفقيه يقرا عليك شوية, راه شدات فيك العين
أبو العيال : هي هاد الشي كان غير حلم. ايوا نهار الأول يموت القط, خاصني نبالي بيها قبل ما تبالي بيا كيف الحلم.
ياله سدينا, و سلموا على مالين الدار و الجيران و اصحابكم و اصحاباتكم.و صافي سالينا
The end
mardi 6 décembre 2005
الحلقة 10
أبو العيال : وينك يا أم العيال؟
أم العيال : نعم, شو بدك؟
أبو العيال : ما سمعت الأخبار؟
أم العيال : لأ ما سمعت كنت مع الجاموسة عم نتكلم, شو فيها الأخبار؟
أبو العيال : وا فاتك نص عمرك
أم العيال : آشنو واقع؟ شي زلزال في القبيلة؟
أبو العيال : لا
أم العيال : شي فيضان؟
أبو العيال : و لا
أم العيال : ايوا آشنو طلقني راه ما مسالياش, ياكما الجاموسة اختطفتها حتى هي القاعدة؟
أبو العيال : و لا يا ربي على مرا
أم العيال : ايوا تفوت غير الراس و الجاموسة و جاد المالح و كاظم الساهر و تجي فين ما بغات
أبو العيال : ياك, ايوا الى جات فيا آ لالة آشنو غادية تديري؟
أم العيال : الماء و الشطابة حتى لقاع البحر, غادية ندير الزردة
أبو العيال : تجيك في الراس انشاء الله, المهم راه الغازية غادية تترشح للأنتخابات
أم العيال : آشنو؟
أبو العيال : راها قالت لك غادية تولي عمدة القبيلة
أم العيال : وا هادي فكرة زوينة كيفاش ما طاحتش عليا؟
أبو العيال : آش من فكرة
أم العيال : نترشح حتى أنا للأنتخابات و نولي عمدة
أبو العيال : و أنت ناوية تحمقيني, أنا ما لاقي معاك السلاكة هاكا بقى غير تولي عمدة
أم العيال : واو و نولي عمدة
أبو العيال : آشنوا غادية تديري؟
أم العيال : نقلب الجاموسة على شي جاموس يتزوجها, و نطلقك و نتزوج نيكولا كاج
أبو العيال : و نوضي الحمقى نيكولا كاج راه مزوج و مراتو حاملة
أم العيال : بصح؟ ما قالهاش ليا
أبو العيال : ايوا ها أنت عرفتيها؟
أم العيال : نطلقوا حتى هو من مراتو و نتزوجوا
أبو العيال : و الله يستر ياربي تعطينا عقل
vendredi 11 novembre 2005
الحلقة 9
أم العيال : واد يا كاظم, وين راحت أختك عفراء؟
كاظم : خرجت هي و الجاموسة
أم العيال : آشنو؟ ياكما حتى هي عندها شي موعد و دارت السبة بالجاموسة؟ أنا هاد الجاموسة حرت معاها, شحال من مرة قلت ليها ما تخرجيش بلا شواري
كاظم : و أنا مالي, ياله نخليك ما عنديش الوقت اللي نضيع, عندي كونفرنس مع فريد الأطرش
أم العيال : سير آ ولدي الله يرضي عليك, شوف الى لقايتي جاد المالح و لا كاظم الساهر قولها لي
كاظم : أوكي
أبو العيال : دابا أنا وليت حداك حايط ياك؟ و زايداها مخدمة معاك الدري
أم العيال : أنت كون كنت راجل كون خرجت تقلب على الجاموسة و عفراء
أبو العيال : أنا عارف فين مشاو
أم العيال : فين؟
أبو العيال : مشاو يتلاقاو مع جاد المالح, راه باغي يخطب بنتك
أم العيال : آشنو؟ واش حماق أو لا مالو؟
أبو العيال : نون. راه جا هذاك النهار يخطبك مني و أنا رفضت قلت لو راكي باقا صغيرة و اعطيته عفراء
أم العيال : ياك آ سيدي وليتي كتوقف ليا في باب الرزق
عفراء : مالكم عاود تاني؟
أم العيال : و هي تشدها من شعرها. فين كنت؟
عفراء : عند صاحبتي
أم العيال : شكون هاد صاحبتك؟
أبو العيال : و طلقي من البنت خليها تمشي
و يخرج كل من عفراء و أبو العيال و لا يبقى في الغرفة سوى أم العيال و الجاموسة
أم العيال : آجي أنت علاش كتخرجي بلا شواري؟
الجاموسة : مووو
أم العيال : ايوا قولي لي آ حبيبة فين كنتوا؟ راه أنا خايفة عليك
الجاموسة : موووووو
أبو العيال : و الله يستر وليتي كتهضري مع الجاموسة. وا لالة بنتك راها ما كانتش مع جاد المالح
أم العيال : و معامن كانت؟ مع كاظم الساهر؟
أبو العيال : و لا راها كانت مع نجوى كرم
أم العيال : متأكد؟
أبو العيال : واه
وبعد لحظات يسمع طرق في الباب
أبو العيال : شكون؟
الطارق : قريب
أبو العيال : شكون قريب؟
الطارق : و حل الباب الى بغايتي تحل مالك غادي تدير لي فيها دي آس تي
يفتح أبو العيال الباب
أبو العيال : نعم آشنو بغايتي؟
الطارق : كاينة عفراء؟
أبو العيال : عفراء؟ ليش بدك ياها؟
الطارق : هي موجودة و لا مو موجودة؟
أبو العيال : لأ مو موجودة
الطارق : ايوا هاكا اعطيها سوارتها راها نساتهم عندي في العربية
أبو العيال : واخا
و بعد أن يبتعد الطارق و يدخل هو البيت
أبو العيال : آ ويلي كذبات عليا
أم العيال : بصحتك
أبو العيال : مي هاد خاينة ما عرفت فين سبق ليا شفته؟
أم العيال : و الله يستر, هاداك راه كيفن كوستنر آ لهبيل
أبو العيال : كيفن كوستنر؟ يا سبحان الله غلاض
أم العيال : وناري غادي تطرطق فيا العرق, و شد بنتك
أبو العيال : وشد بنتك؟؟؟؟
vendredi 28 octobre 2005
الحلقة 8
أبو العيال : صباح الخير
أم العيال : صباح النور و الورد و الياسمين
أبو العيال : ايه؟ أنت مالك فيك حاجة؟
أم العيال : لأ ليش؟
أبو العيال : أول مرة تصبحي عليا هيك, بلا صداع بلا مشاكل
أم العيال : لا راه قررت ندير معاك الهدنة
أبو العيال : آه أوكي. أنا خارج بدك شي؟
أم العيال : بدي سلامتك يا حبيبي
أبو العيال : حبيبي؟
ثم وقع على الأرض
أم العيال : يالهوي مالك يا راجل؟ ايه جرالك؟ لسعتك حاجة و لا شي؟
أبو العيال : قوليها تاني و النبي
أم العيال : هي ايه؟
أبو العيال : ده لاست وورد دات يو ساد
أم العيال : ايه هي؟ آه لسعتك حاجة ولا شي؟
أبو العيال : لأ اللي قبل ما أوقع على الأرض
أم العيال : آه قصدك حبيبي
أبو العيال : ايوة تخيلي يا أم العيال احنا متزوجين 8 سنين و عندنا 7 عيال, عمرك ما قلتيلي الكلمة دي
أم العيال : ياله قريتها البارح في الأنترنت
أبو العيال : كيفاش؟
أم العيال : كنت البارح كان شاتي مع جاد المالح كيف العادة
أبو العيال : آه و من بعد؟
أم العيال : ايوا و أنا نبدا نقلب على الكلام باش نصبغك
أبو العيال : ايوا؟
أم العيال : و أنا نلقى هاد الكلمة و قلت مع راسي آجي نجربها, ساعة طحتي
أبو العيال : راه أنا طايح من زمان ماشي غير دابا, ياله نخليك الغزالة ديالي
و بعد برهة يرجع
أبو العيال : آشنو درتي البارح في الأنترنت؟
أم العيال : والو كنت كان شاتي مع جاد المالح
أبو العيال : لا تبارك الله عليك, هو أنا مش مالي عينك ولا ايه؟
أم العيال : صمت
أبو العيال : وا جاوبي آ لالة و لا خاصك العصا؟
أم العيال : صمت
أبو العيال : و الجانسة جاوبي و لا عرفت راسك آشنو دايرة الخائنة, ياخ الله يخليها سلعة
أم العيال : شوف من قبيلة و أنا ساكتة محتارمة الهدنة, ساعة أنت متخلف, جاد المالح راه غير صديق
فرنسواز : و مالكم عاود تاني الله يستر
أبو العيال : آجي شوفي هاد خايتي, قالت ليك كانت كتهضر مع جاد المالح في الأنترنت
فرنسواز : ياك غير في الأنترنت, أنا راه كنتلقاه كل نهار جنب الساقية
أم العيال : كذابة هو قال لي راه ما كيعرفكش
فرنسواز : بغايتي تصدقيني صدقيني ما بغايتيش أنت حرة
أبو العيال : ايوا ولا عندي البورديل هنا
أم العيال : البورديل هو اللي دايرو أنت, مرة مع الغزية ومرة مع مارلين مونرو و مرة مع هيفاء وهبي وزيد و زيد
أبو العيال : حيث هادوك راهم عيالات ماشي...
أم العيال : و أنا راجل؟
أبو العيال : أنت قرة عيني غير وقفي الخيانة شوية, ها أنت خونيني مي غير بشوية بشوية
أم العيال : واخا
فرنسواز : شوف الراجل داير كيف الدجاحة و الله يستر
The last word that you said = ده لاست وورد دات يو ساد
Mais = مي