عمارة يالطيف

مسلسل جديد, هذه المرة مجموعة من العائلات في عمارة يا لطيف

الحوارات كلها في الكولوار

الشخصيات

حارس العمارة: التباري

البيت الأول : فاطمة (الدكالية) متزوجة من سعيد (بيضاوي)

البيت الثاني : سلمى (شمالية) متزوجة من مصطفى (بيضاوي)

البيت الثالت : سمير زوفري

البيت الرابع : يونس زوفري

الكولوار :

التباري : صبحنا على الله, ما عرفت كيف غادي يدوز النهار مع هاديك فاطمة؟

فاطمة : التباري التباري

التباري : اذكر هذاك اجبد هاذيك, ياخ على صباح, نعام لالة فاطمة

فاطمة : فاين كنت؟ مقابل التبركيك عاود, دوز جيب ليا البوطة

التباري : (في خاطرو الله يحن عليا منك) واخا آلالة. السي سعيد مازال ناعس؟

فاطمة : و أنت سوقك؟

التباري : لا غي سولت

في هذا الوقت سمير ناازل على الدرج فيلمح فاطمة و هي تتحدث مع التباري

سمير : (وهو ينظر لفاطمة نظرة عشق)

صباح الزين صباحو

صباح اللوز و تملاحو

صباح الياسمين و ترياحو

صباح الزبدة و الكونفتير

صباح الخير و التيسير

صباح العسل و الدديسير

صباح الملاوي و الكومير

فاطمة : صباح الزفت آ وجه البغريرة

سمير : كاع اللي يجي منك عسل آ جرتيلة

فاطمة : ياك آ الجرانة

سمير : واه آ الجعانة

فاطمة : ايوا سير الله يعطيك شي رموك يضربك في الدورة ديال الدرب, قول آمين

سمير : و ما نبقاش فيك آ الغزال

التباري : هم هم

فاطمة للتباري: لقيتي ما تبركك هاذ الصباح

التباري : شوية و خلاص

في هذا الوقت تخرج سلمى لتودع زوجها مصطفى

سلمى : حبيبة تهلا لي في راسك

مصطفى : حتى انت آ عمري

سلمى : لا تنساشي اللي وصيتك عليه آ حبيبة ديالي

مصطفى : واخا آ لالة

سمير و هو ينظر لفاطمة : ايوا تعلمي من سلمى جوج كليمات زوينين قوليهم لي كل صباح

فاطمة بغضب و هي تنادي زوجها : سعيد سعيد

Comments

[Kenza]

ana je crois que je vais devenir accro :) men ch7al hadi ma tebe3t chi mousalsal jabek lia allah :))

[Kenza]

ana je crois que je vais devenir accro :) men ch7al hadi ma tebe3t chi mousalsal jabek lia allah :))

[houdac]

Cool!!!
Merci Anima...l9it fach ndouwez lwe9t ou ana kanne9i le3dess (bah oui, il faut bien que je le fasse...machi tzewejt? :))
Sinon, tu peux toujours me demander mon avis quand il s'agit d'un couple où la femme est doukkalia :)
Yallah thallay al kounfitir (je l'adore hit kayji bnine fel koumir :))

[mchicha]

excelent week end azzin ;)

[shkaff]

anima la suite.